Salti al enhavo

Furorlisto


Populara enhavo

Montriĝas enhavo pleje ricevinta reputacion ekde la 07/06/19 en ĉiuj lokoj

  1. 3 poentoj
    Kelkaj el vi rimarkis, ke la nombro de lernantoj en la Esperanto-kurso por anglalingvanoj iom falis lastatempe. Notu, ke anglalingvanoj nun havas 35 lingvojn lerneblajn en Duolingo, do Esperanto iomete perdiĝas inter tiom da elektoj. Sed por parolantoj de la ĉina, ekz, Esperanto estos unu el nur manpleno.
  2. 3 poentoj
    Vi pravas, nun ne indas proponi tradukon al Duolingo. Sed indas varbi bulgarojn por finpretigi la kurson de Lernu, kies traduko al la bulgara estas nun 76% preta.
  3. 3 poentoj
    Ĉu eblas pripensi ALTERNATIVAN ANALIZON de Kongresoj 1) Ĉiujare, kiel tradicie 2) Ĉiudujare kaj 3) Ĉiukvarjare? Kiaj estas la profito/malprofito-scenaroj por diversaj aliĝo-niveloj (de 500 ĝis 3000 -- eblas fari tian analizon laŭ ŝtupoj de 100 aliĝoj relative facile SE oni bone konas la kosto-strukturojn, absolutajn, relativajn, marĝenajn). Tia kvanta analizo bezonatas esti ligata kun kvalita analizo kiu inkluzivas diversajn vidpunktojn de Komitatanoj, Delegitoj kaj Individuaj Membroj. La kialo, parte, por pripensi pli maloftan Kongreso-starigon estas, ke la laboraj kaj financaj kostoj pezas sur pluraj kategorioj de membroj. Bonvolu ne pensi, ke analizo pri situacio signifas, ke indas aŭ endas ŝanĝoj. Tia analizo estas por pli bone prikonsideri alternativojn se unu aŭ alia pli taŭgas por la ventoneco. Ni bezonas ALTERNATIVAJN ANALIOZOJN por kompreni kaj pravigi ŝanĝojn en pluraj partoj de la organzio.
  4. 3 poentoj
    Gratulojn por la bona rezulto ! Valencio kaj Seulo havu ligilon inter lernantoj por sentigi internaciecon kaj interkontinentecon. S-ro Lee Jungkee kutimas komuniki ankaux per Fejsbuko kaj Skajpo. Belan amikecon inter eklernantoj.
  5. 3 poentoj
    Certe, sed la problemo estas: kiu devas redakti ĝin? Ĉu la nova estraro? Ĉu komitatanoj? Ĉu kongresanoj? Mi havas tre fortajn ideojn ĉi-rilate: UEA okupiĝu ĉefe pri disvastigo de Esperanto kaj gvidu la laboron de tiuj, kiuj faras tion tra la mondo kaj ĝi konigu al la esperantistoj, ke ĝi faras tion kaj petu financan subtneon por tio.
  6. 2 poentoj
    Mi opinias, ke aktivuloj en Svedio devus krei grupon en Telegram por tiel plioftigi la kontaktojn kaj instigi al agado. Pluraj lokaj grupoj kaj landaj/regionaj asocioj tiel lastatempe vigliĝis. Eblas retbabili (ankaŭ você) per Telegram kaj facile interŝanĝi informojn, bildojn kaj eĉ filmetojn. Tia reta agado 'neeviteble' rezultos ankaŭ en ĉeestaj kunvenoj. Nova, tre pozitiva, evoluo estas kombini retkunvenojn kun fizikaj. Tiel kerno de surlokaj aktivuloj povas esti kompletigita de perinterretaj ĉeestantoj. Unu-du svedaj aktivuloj kiuj spertas pri interreto kaj pretas iom kunordigi, sufiĉas. Mi pretas helpi pri kapabligo. Samkiel ĉie en la mondo, svedaj esperantistoj pli kaj pli preferas internaciajn kontaktojn al lokaj. Esperanton svedoj ne lernas por babili kun aliaj svedoj. UEA povus konkrete helpi, proponante ekzemple karavanojn al internaciaj renkontiĝoj progresigan instruistan helpon enkondukan manlibron/retejon al la movado. Kutime komencantoj tute ne konscias pri la multaj ebloj. Yves Nevelsteen
  7. 2 poentoj
    La aktualaj ciferoj informas, kiom da "aktivaj lernantoj" (pri tio sube) aliĝis dum la pasintaj 12 monatoj. Oni ŝanĝis en junio aŭ julio 2018. En la 10-a de junio estis ankoraŭ sume 1,749 milionoj, el tio 1,36 por la anglalingva kurso, 385 mil por la hispanlingva kaj 4400 por la portugallingvo (tiam ĵus kreita). En la 22-a de julio 2018 estis sume 715 mil, 403 mil (en), 302 mil (es), 9550 (pt). Ekde tiam la suma nombro iom post iom kreskis pro la kresko de la portugala, ĝis nun (9-a de okt.) sume 814 mil, el 298 mil (en), 281 mil (es), 235 (pt). Evidente la anglalingva kurso ial perdas ĉe la nombro de aktualaj aliĝantoj, proks. -25% en unu jaro. Mi ne scias, ĉu pro aldono de la du aliaj kursoj aŭ ĉu pro alia kaŭzo. Ne ĉiu cetere estas senfine entuziasma pri la Duolingo-metodo, do povas esti, ke nun homoj elektas aliajn kursojn; ni konsciu, ke takso iam estis, ke el la iamaj lernantoj en la anglalingva kurso nur duono denaske parolas la anglan. (Mi faris enketon pri la denaska lingvo ĉe la Facebook-grupo de Duolingo-lernantoj.) Ĝis nun oni ne bone scias, kio estas "aktivaj lernantoj". Se la departamento pri merkatiko provas havi altan nombron, ili kalkulas por tio ĉiun homon, kiu aliĝis kaj sukcese plenumis almenaŭ unu lecionon 🙂 Pli ni ne supozu.
  8. 2 poentoj
    Mi jam antaŭe skribis pri Duolingo en alian retejon, Finna babilejo. En mia duparta artikolo tie mi priskribis Duolingon (parto 1) kaj listigis mankojn kaj problemojn en ĝi (parto 2). Sume mi dirus, ke "La teorio Nakamura" en Lernu.net estas pli bona por komencantoj, speciale por tiuj, kiuj ne parolas la anglan denaske (mi ne havas sperton pri la hispala aŭ la portugala kurso en Duolingo).
  9. 2 poentoj
    La ideoj kaj atentigoj de Stella estas legindaj, ĉar ŝi dum jaroj pripensadis la aferon FORUMON, kaj eĉ, laŭ mia memoro, prezentis la temon en Islando jam en 2013. Eble pli ol iu alia UEA-membro pasintece, ŝi kontribuis al la starigo de la nocio forumo ene de UEA, montrante kiel forumo-komunikadosistemo estas multe pli valora komuniko-efika ol Guglo-grupoj kaj Jahu-grupoj. Mi esperas,, ke la nuna Forumo estos en manoj de homoj kun diversaj spertoj kaj talentoj: la merkatika kaj komunikada (Emilio Cid), la teknika (Tim Owens), la homalira (pluraj homoj bezonatas kaj multaj povas), kaj ĉefaj konsiliistoj kiel Stella, ktp. (Persona noto al Stella: jes, dankon. Mi komprenas, ke la Forumo estas la rezulto de laboro kiam oni staras sur la ŝultroj de gigantoj -- tro ofte en UEA oni provas solvi problemojn sen rigardi eksteren, ĉu ne? Ĉi foje oni elektis la bonan giganton, mi pensas).
  10. 1 poento
    Jen kelkaj komentoj pri Svedio de maljuna multjara aktivulo. Fernandi Maia Jr: Sidejo: Sidejo: Adreso en Stokholmo - tiu ne plu funkcias. Mankis fortojn en Stockholmo por daŭrigi. Nia nuna stokejo de i. a. arĥivo troviĝas en loko laŭ la grava fervoja linio inter Stockholmo kaj Gotenburgo. En tiu ejo eblas ankaŭ kolektiĝi kaj dum la lastaj tri jaroj okazis pluraj kunvenoj kaj kursoj. Orlando E. Raola: Vi kaj via amiko pravas: ne plu estas adreso en Facebook, sed en tvitter kaj instagram (ambaŭ @intere.se kaj iel ligitaj al nia hejmpaĝo intere.se) kun neregulaj noticoj pri eventoj. Didier Janot: Ĉu mortas la lingvo Esperanto aŭ ĉu mortas la tradicia eo-movado?’Tiu demando estas levata plurfoje dum la lastaj eble dek jaroj. Ni devas konstati, ke la mondo ŝanĝiĝas kaj klopodi adaptiĝi al tio. En Svedio komencis printempe nova ebleco aktiviĝi: zoom-kanalo kie eblas ĵaŭde kaj sabate renkonti SEF-estraranoj por diskutoj kaj kunlaboro. renato_corsetti: Jes, mankas junaj novaj esperantistoj - same kiel en kiu ajn organizo dum la lastaj jaroj. Interreto multe ŝanĝis la vivon. Tamen ĉiujare deko da novaj membroj aliĝas kaj iom konservas la nombron. Vi jam legis pri Facebook kaj telgramo, sed restas tvitter kaj instagram. Iveso: Svedaj aktivuloj kiuj spertas pri interreto ekzistas. La sveda movado ĉijare transiras reorganizadon pro novaj kondiĉoj dum la lastaj jaroj (nur manpleno da malnovaj kluboj vere agadas) kaj estas tro frue nun taksi la rezulton.
  11. 1 poento
    Orlando ghuste aludas 'la elephanton en la chambro' por montri ke la angla jam venkis en Svedio lau preskau chiuj svedoj. Maljustaj rimedoj por al junuloj chie popularigi la anglan lingvon estas la problemego kiun aliloke Renato en ikonrompa parolado identigas: https://www.youtube.com/watch?v=f5OCpAwbhCQ&feature=emb_title La koncerna parolado pri la Baza Angla projekto kaj makiavelaj makinacioj de Chefministro Churchill, FDR kaj la brita ministraro por kasacii disvastigadon de Esperanto aperos tra Oceanio en 'Esperanto sub la suda kruco' surpapere por abonantoj en tiu chi semajno kaj elektronike por la tuta esperantistaro post ses monatoj senkoste. Senkopirajte kaj senpage tiu chi amatoro angligis ghin por Renato kiu malvare donis permeson ghin lauplache utiligi. Bonvolu lian brilan paroladon en angla traduko dissemu en via mondoparto inter amantoj de justeco kaj paco: https://www.bandeeducation.com/a-challenge-and-an-opportunity Aldonis mi al la parolado de Renato eta enkonduko en kiu reliefigita estas kunlaboroj inter Churchill & Roosevelt kadre de famega parolado che Universitato Harvard por kashe antauenigi la 'diablan' anglan lingvon per helpoj de British Council & VOA. q.v. The Churchill Society. The gift of a common tongue. sept 6, 1943: https://winstonchurchill.org/resources/speeches/1941-1945-war-leader/the-price-of-greatness-is-responsibility/
  12. 1 poento
    Mi tre ŝatus koni viajn opiniojn pri Duolingo kiel lingvolernilo. Kion vi opinias pri ĝia metodologio? Ĉu vi rekomendas Duolingon al novuloj? Kiel vi plibonigus ĝin? Ĉu ĝi havas bonajn mezureblajn rezultojn? Ĉu vi konas statistikojn pri tio (prefere kompareblaj kun aliaj metodoj)? Mi mallonge donas mian opinion (sed mi povas esti erara, ĉar mi ne uzas Duolingon de antaŭ multe da tempo). Duolingo havas multajn avantaĝojn sed ankaŭ kelkaj malavantaĝoj: Avantaĝo: Ĝi estas belaspekta, kaj tio estas mezureble grava por uzebleco. Avantaĝo: Ĝi estas (interalie) poŝtelefona ludeca programo. Oni povas uzi ĝin kie ajn, rapide kaj agrable. Avantaĝo: Ĝi estas tre bone konata programo. Tio helpas atingi multnombran lernontaron. Malavantaĝo: Oni devas ĉefe diveni la gramatikajn regulojn (almenaŭ en la poŝtelefona versio, kiun mi memoras). La esperantaj reguloj estas tamen sufiĉe facile klarigeblaj. Avantaĝo: Ĝi stimulas lernado per farado kaj klare videbligas la progreson de la lernanto. Malavantaĝo: Multaj homoj povus lerni Esperanton pli rapide per aliaj metodoj.
  13. 1 poento
    Saluton Dennis, Ne surprizas min via interesiĝo pri la temo. Mi ĝojas pri tio. Mi bedaŭras ke vi ne povas malfermi la .pdf-dokumenton. Tial mi simple kopias la tekston ĉi sube. Amikajn salutojn, Ivo UNIKA KOMUNUMO, En sia libro “Pensi rapide kaj malrapide“ (Thinking, Fast an Slow/2011), la israela prikologo kaj Nobelpremiito, Daniel Kahneman montras superrigardon de tuta kariero da analizadoj pri la funkciado de nia decidoj. La libro enhavas interesajn sciigojn por ĉiu individuo sed direktas sin precipe al la homoj, kiuj okupiĝas pri agadpolitiko. Per aro da studoj kaj testadoj li kaj siaj teamoj malkovris kiel foje estiĝas gravaj eraroj. Enkonduke, por kompreni la artikolon, mi unue skizos tre supraĵe iun esencan elementon pri nia cerbo kiam necesas fari decidon. Kahneman klarigas ke ni pensas per 2 sistemoj. Konstante, sed nekonscie ni faras decidojn per nia sistemo 1a. ezemple : ĉu mi leviĝu tuj post sono de la vekhorloĝo aŭ ĉu mi prokrastu ĝin iom, ĉu mi duŝu unue aŭ nur post matenmanĝo, kiujn vestaĵojn mi portos hodiaŭ, ĉu entute aŭ kion mi manĝos, ĉu mi kontrolos mian poŝtelefonon ... ktp. Tiuj decidoj efektiviĝas aŭtomate, fulmrapide, senpene ... sed ankaŭ sen iu mensa kontrolo, Nur kiam prezentiĝas problemo, kiam leviĝas dubo, tiam ni transiras al la kogna sistemo 2a: malrapide, koncentrite, surbaze de jamaj spertoj ni provas fari decidon. Nur sistemo 2a povas bremsi sistemon 1a. Sed sistemo 2a pigras: kiam ne baldaŭ montriĝas solvo, la demando reiras al sistemo 1a kaj tiel multaj decidoj okazas nur intuicie, surbaze de sentoj. Feliĉe en nia vivo, tiuj 2 sistemoj kontentige funkcias kaj ni faras bonajn necesajn decidojn, plejofte sen scii kial. De tempo al tempo montriĝas ke individuoj kaj instancoj tamen faras decidojn kun ege malagrablaj, foje katastrofaj rezultoj kaj tiam aperas la rolo de la scienco por pristudi kiel tiaj decidoj estiĝas kaj kiel eblas eviti ripeton de tiaj malagrablaĵoj. Unu el tiuj konstataj estas la taksado de valoraĵo, ĉu materia aŭ mensa. Ek de la momento kiam iu posedas objekton, la posedanto nepre supertaksas ĝian valoron. Kiam iu akiras iun fiksan ideon, tiu aŭtomate kreas argumentojn por pravigi, por defendi, por pligravigi ĝin. Alia fenomeno pri kiu Kahneman atentigas estas la granda timo por rekoni malsukceson. En entreprenoj kaj projektoj kiuj ne funkcias kiel planite, oni ofte emas investi maksimuman energion kaj monon. Kaj eĉ kiam la fiasko jam evidentas, oni kelkfoje ankoraŭ emas injekti jam anticipe perditajn rimedojn kaj eĉ preni nepravigeblajn riskojn. Tamen el la esploroj evidentas ke, se oni rekonas fiaskon, oni povas transformi la atendeblajn perdojn en gajnon por nova, pli vivkapabla projekto. Ĉi rilate li mencias ĝeneralan optimismon en novan projekton kun la konsekvenco de supertakso de siaj eblecoj. Por rimedi li konsilas sisteman esploradon de eblaj malhelpoj (kp. esploradojn de Thomas Åstebro) kaj la atento por konkurantoj. Nun mi provas projekcii tiujn du konstatojn al la Esperanto-movado. Kiam mi en 1960 fariĝis Esperantisto kaj baldaŭ poste movada aktivulo, ni ankoraŭ firme kredis en la rolon de Esperanto kiel LA lingvo por la internacia komunikado. Ni protestis kontraŭ lingva diskriminacio kaj penadis por argumenti ke la angla ne taŭgas por plenumi la rolon de ĝeneraligita internacia komunikilo. Ni kvazaŭ militis. Intertempe la rolo de la angla en la internaciaj kontaktoj tiom disvastiĝis en ĉiuj eblaj facetoj de la internacia vivo, ke nuntempe mencii ke la angla ne taŭgas por tiu rolo fakte ridindigas nin. El tiu vidpunkto la origina ideo de Zamenhof evidente kaj nerefuteble malsukcesis. Ĉu do mi pledas por likvido de la Esperanto-movado? Ne, por mi tiu movado restas valoraĵo en nia nuntempa socio. Ekzistas ja amaso da valoraj movadoj, kiuj provas prilumi kaj emfazi iujn facetojn, kiuj bezonas specialan atenton, kaj Esperanto estas iu el tiuj nepre subtenendaj movadoj. Same kiel en 1960, mi ŝatas partopreni klubkunvenojn, mi ĝuas (bedaŭrinde nuntempe malpli ofte) renkontiĝojn kaj kongresojn. La konscia paŝo por eklerni tiun ĉi lingvon ĝuste por transigi lingvajn diskriminaciojn kreas specifan, unikan etoson. La fakto ke Esperanto arigas homojn de ĉiuj eblaj mondopartoj, de plej variaj kulturoj, niveloj, interesiĝoj kaj profesioj, kaj ke ne sentiĝas iuj rezervoj daŭre allogas min. Kaj precipe nuntempe, kiam mi partoprenas ekzemple Zoom-renkontiĝon kaj subite aperas iu homo el fora lando, kiun neniu partoprenanto jam konas, kaj tiu homo sentas sin akceptata kaj bonvena, tio estas elemento, kiu havigas al Esperanto tiun unikan etoson, kiu evidente kontribuas al pliharmoniigo de la sociaj rilatoj. Kiam mi menciis ĉi supre la studon de Kahneman pri la ebla gajno sekve de pli realisma agado, mi pensis precipe pri la ĝenerala etoso. En la pasintaj jardekoj stariĝis multaj iniciatoj por influi la instancojn favore al la uzo de Esperanto en lernejoj, en internaciaj servoj ktp. sen atenti pri la multaj eblaj obstakloj de la projekto kaj pri la aliaj iniciatoj, kiuj ankaŭ baraktas por oficiala interesiĝo. Kaj ofte la sekvo de serio da malsukcesoj estas perdo de iniciatemo, malespero … kaj kabeiĝo. Konklude, mi opinias ke bonus se la estraroj de Esperanto-asocioj malferme rekonu la praktikan fiaskon de Esperanto kiel ĝenerale uzata internacia komunikilo. Tiel, anstataŭ perdi energion kaj tempon en senperspektivan projekton ni gajnos en kredindecon por la unikeco de niaj lingve sendiskriminaciaj internaciaj kontaktoj. Tiel ni povas doni maksimuman atenton al la disvastigo kaj disvolviĝo de tia internacia komunumo. Ivo Durwael.
  14. 1 poento
    "Esperanta Numismatiko" n-ro 2 el la sepa jarkolekto alvenis "Esperanto-Numismatika Asocio" (ENA) ena.frali.bplaced.net publikigis sian duan numeron el 2020 de sia revuo: frali.bplaced.net/ena/ena202002.pdf Bert Boon skribis: Karaj tutmondaj membroj kaj aliaj legantoj! Pro la terura verusa krizo la vorto “hejme” ricevis tute novan signifon. En epokoj malbonaŭguraj nur BELECO estus vera konsolo, almenaŭ laŭ multaj poetoj kaj aliaj artistoj. Tial ni sendas hodiaŭ iom pli frue ol kutime al vi la duan numeron de la sepa jarkolekto. Ni esperas, ke la belaj bildoj de diversaj malnovaj kaj kelkaj ankoraŭ pregotaj medaloj donacos al viaj menso kaj okuloj almenaŭ kelkan tempon plenan je profundaj ĝuado kaj animtrankvilo. Kiel kutime, ĉiaj ajn reagoj el via “rifuĝeo” estas ege bonvenaj ĉe la redakcio de ENA. Fartu bone kaj daŭrigu vivi sekure kaj indulge! Kore, Bert
  15. 1 poento
    Mi supozas, ke "Internacia Tago Sen La Angla Lingvo", okazonta la 1-an de aprilo, povos kontribui por disvastigo de Esperanto en la mondo. :-)
  16. 1 poento
    Kelkaj punktoj pri ĝemelaj urboj : - Fotoekspozicio dum UK : bonegaj rilatoj kun la prezidanto de LKK Lahti. Enketo ĉe la landaj asocioj kies urboj estas ĝemelitaj kun Lahti. Neniu respondo.... Respondoj venis pere de la listo UEA membroj. Kelkaj esperantistoj sendis al mi fotojn. Aliajn mi ŝercis sur la reto sed la kvalito ne estas bona por presado. Bedaùrinda afero estas ke dum la UK Lahti, neniu fotoekspozicio estis organizita... - Komisiono pri ĝemelaj urboj ĉe Esperanto France : kreita sed ne ankoraù ne funkcianta.... 2 personoj kaj mi mem en la komisiono. Antaù kreado de tiu komisiono, mi enketis en la federacioj de la landa asocio, venis pluraj interesaj respondoj sed ne ĉiuj respondis.... - Komisiono ĉe UEA : mesaĝo al delegitoj landaj sen responda.....
  17. 1 poento
    La 20-a de novembro estos grava tago: en tiu tago en 1959, do antaŭ precize sesdek jaroj, la Ĝenerala Asembleo de Unuiĝintaj Nacioj akceptis la Deklaracion de la Rajtoj de la Infano. Je la sama tago tridek jarojn poste, en 1989, la Ĝenerala Asembleo akceptis la Konvencion pri la Rajtoj de la Infano. La koincido de la tago kaj monato ne estis hazardo: jam en 1954 la Ĝenerala Asembleo nomis la 20-an de novembro Universala Tago de la Infano. Ĝi celis antaŭenigi internacian solidarecon, konsciiĝon inter infanoj tutmonde kaj plifortigon de la bonfarto de infanoj. La Deklaracio de 1959 estis produkto de tiu konsciigo – kaj same la Konvencio de 1989. Jam en 1946 Unuiĝintaj Nacioj starigis UNICEF, kiel Fonduson de UN por helpi infanojn suferintajn pro la Dua Mondmilito. En postaj jaroj ĝia mandato plivastiĝis, kaj en 1953 ĝi fariĝis konstanta branĉo de UN sub la ĝenerala egido de la Ekonomia kaj Socia Konsilio, kaj kun respondeco pri vasta gamo de agado por protekti la interesojn de infanoj kaj patrinoj. Ĝia jara raporto La Stato de la Infanoj de la Mondo fariĝis gvidilo por UN-agado sur tiu ĉi tereno. La 17 Celoj por Daŭripova Evoluigo, akceptitaj de UN en la jaro 2015 por fiksi la prioritatojn sur la kampo de evoluigo, donas apartan atenton al infanoj, ilia sano, ilia eduko kaj ilia bonfarto ĝenerale. Kaj kompreneble unu el la esencaj interesoj de UNESKO estas la edukado de niaj infanoj. Gepatroj, instruistoj, flegistoj kaj kuracistoj, registaraj gvidantoj kaj aktivuloj en la civila socio, religiaj kaj komunumaj eminentuloj, entreprenistoj kaj informmediaj profesiuloj, kune kun gejunuloj kaj infanoj mem, povas ludi gravan rolon en taŭga konsciigo pri la Universala Tago de la Infano en la propraj socioj, komunumoj kaj nacioj. Kaj esperantistoj, kiuj ligas homojn trans naciaj kaj generaciaj limoj, povas aparte atentigi pri la situacio de infanoj tra la mondo per interveno ĉe la supre menciitaj personoj. Ili ankaŭ povas fari tute personajn kaj modestajn agojn – danki instruiston, fari ion specialan por infano, doni monon por helpi infanojn, volontuli. Vi elektu – sed faru ion! Kaj faru vian eblon konsciigi la homojn pri la stato de la infanoj de la mondo – kaj konstrui mondon indan je la esperoj de niaj plej junaj civitanoj. Pludonu la mesaĝon, per sociaj medioj, per viaj personaj geamikoj esperantistaj kaj neesperantistaj, per leteroj en la gazetaro. Kaj memoru diri “Dankon” ĉi-tage al almenaŭ unu instruisto aŭ alia profesiulo kiu okupiĝas pri infanoj! Por trovi pliajn ideojn kaj informojn, turnu vin al www.unicef.org/world-childrens-day La teamo de UEA ĉe UN novembro 2019 Mallonga ligilo por tiu ĉi komuniko: uea.org/gk/834a1
  18. 1 poento
    Mi povas aldoni ion 🙂 Esperantaj aktivaj lernantoj en Duolingo.
  19. 1 poento
    Tio jam okazas, kaj lavango da petoj en la franca kaj la ĉina jam alvenas en la retpaĝoj de Duolingo. Ne estos ajna problemo arigi kompetentajn teamojn por krei Esperanto-kursojn por parolantoj de tiuj du lingvoj.
  20. 1 poento
    Hm, vi celas la anglalingvan kurson, ĉu? Mi ne povas konfirmi tion el pli longa perspektivo. Estis 331 mil aktivaj lernantoj en la 17-a de aprilo kaj estis 298 mil en la 9-a de oktobro. Do minus 33 mil en proks. 24 semajnoj, eble minus 1,5 mil semajne. Ni konsciu, ke la nombroj ne ĉiam estas tute akurataj (ŝajne kelkfoje ili miskalkulas) kaj ja ankaŭ nature iom varias. Dum la suma nombro de lernantoj en ĉiuj tri lingvoj kreskas, la suno ankoraŭ brilas por ni, ĉu ne? 😄
  21. 1 poento
    Duolingo ŝanĝis la metodon, per kiu ĝi montras aktivajn lernantojn en Julio 2018. Nuntempe la esperanto-kurso perdas proksimume 4000 aktivajn lernantojn semajne. Se sama proporcio de lernantoj daŭre malkreskas (supozante novaj lernantoj ne eniros la kurson) la kurso ne havos lernantojn post 18 monatoj. Evidente tio ne okazos tiamaniere. Post iam da tempo la kvanto de nova lernantoj aliĝantaj al la kurso devus fariĝi ebena. Mi scivolas pri la stabila rapideco ke novaj lernantoj eniros la kurson.
  22. 1 poento
    >Mi uzas Duolingon kaj mi ĉeestis en Lahtio, sed mi ne sciis, ke okazis kunveno de Duolingo-anoj. Statistiko pri Duolingo ne estas tute fidinda. Ekz. mi devis elekti uzi la anglan kaj kiel fasada kaj kiel lerna lingvo, ĉar mia denaska lingvo mankas inter ambaŭ. Certe mi ne estas la sola, kaj ĉi tial la nombroj antaŭ ĉio por la angla kaj la hispana verŝajne estas ŝvelaj. Juha, en Lahti estis propono renkontigxi kun 'duoling-anoj', sed tiu renkontigxo ne estis anoncita kaj ne okazis. Mi opinias, ke Vi mem devus anonci tiun renkontigxon en Lahti. Kaj bv anonci gxin en estontaj E-arangxoj. Estas certe, ke en la nombro de la lernantoj en 'Duolingo' per la angla lingvo, ke multaj el ili ne estas denaskaj anglalingvanoj, cxar ili ne trovis pli tauxgan lingvon, per kiu ili povus lerni Esperanton. Amike, Vladimir MININ
  23. 1 poento
    Mi ĉiusemajne renkontas homojn, kiuj lernas Esperanton per Duolingo. En norda Londono mi instruas kurson, kaj konstante alvenas novaj homoj, kiuj lernas per Duolingo. Al la pasinta leciono antaŭ du tagoj venis du tiaj novuloj. Sed memoru, ke necesas lerni pere de la angla, la hispana aŭ la portugala, do kompreneble la novaj lernantoj aperas ĝuste en landoj, kie oni parolas tiujn lingvojn. Cetere, "fejkaj"novaĵoj = falsaj novaĵoj.
  24. 1 poento
    Oni konsciu ke la instruprogramo Duolingo estas plej multe disvastiĝinta en la Ameriko (la statistikoj de Emilio Cid klare montras ke la vasta plimulto de uzantoj de Duolingo estas parolantoj de la angla, hispana aŭ portugala), ke malmultaj amerikanoj povis veni al Lahti pro la granda kosto vojaĝi tre long-distance, kaj ke Universalan Kongreson unuvice partoprenas spertaj esperantistoj. Ne mirigas min do ke malfacilis trovi en Lahti iun, kiu lernis Esperanton per Duolingo. Venu al la Universala Kongreso en Montrealo, kaj vi facile trovos esperantistojn kiuj lernis nian lingvon per Duolingo. Amike, Paul Hopkins (kanadano)
  25. 1 poento
    Necesas alklaki la butonon "Sekvi" supre de la paĝo.
  26. 1 poento
    Karaj, Mi kredas ke tiu chi estas la ghusta forumo por listigi plurajn pensojn kiujn mi kaj alia levis por plibonigi la UK-n. Jen kelkaj pli gheneralaj punktoj, celitaj al diversja instancoj: Estraro (1-2), chefe LKK (2-5) kaj chefe KKS (4-7). 1. Inauguro: nepre mallongigi. Malpli da paroladoj kaj malpli longaj. Pli da engaghigo de la publiko (ekzemple: "levighu chiuj kiuj partoprenis antauajn UK-jn chi-lande"). La populara ero de la landaj salutoj restu, sed laueble en fresha vesto. Inviti salutojn de Alighintaj Fakaj Asocioj kaj institucioj (cetere povas shpari paroladojn, ekz. de ILEI, AdE ktp). 2. Projekciado: antau unu jaro mi proponis en la komitata forumo akompani la chefajn programerojn, kiel inauguro, KT, IKU, la vesperaj programoj ktp, per profesia projekciado plurekrana de la scenejo kaj de rilataj bildoj kaj videoj. 3. Alireblo de salonoj: klopodi ke chiuj programeroj okazu en unu kongresejo. Plurfoje en pasintaj UK-oj (Lillo, Lahtio) IKU kaj aliaj gravaj programeroj okazis en sufiche foraj konstruajhoj kaj mankis instrukcioj kiel atingi. 4. Kolizioj en la programo ne estas eviteblaj, sed oni klopodu plani tiel ke simialaj eroj (ekzemple IKU kaj Scienca Kafejo) ne okazu paralele au sinsekve en disaj kongresejoj. Gravaj au popularaj koliziantaj programoj okazu laueble en najbaraj salonoj, tiel ke eblos parte/paralele partopreni ambau. 5. Duontagaj ekskursoj klopodi saghe plani, kun pluraj datoj kaj tempoj, tiel ke kongresanoj povu partopreni ilin sen maltrafo de gravaj progrmeroj. 6. Frua publikigo de provizora programo. Helpos kaj al la kongresanoj kaj al la kongresa fako, kiu estos frue avertita pri kolizioj kaj personaj problemoj de prelegantoj. 7. Kongresa Libro enhavu detalajn informojn pri la kongresejo kaj kiel atingi la diversajn salonojn. Ekzemple en Lahtio tute mankis en la KL skemo kaj instrukcioj kiel atingi la alian kongresejon (en la informejo estis apartaj folioj, sed multaj kongresanoj ne konsciis pri tio). Ankau mankis la kutimaj fotoj de IKU-prelegantoj. Amike, Amri
  27. 1 poento
    Saluton! Antaŭ la UK-on en Lahtio mi kelkfoje demandis, ĉu en la retejo de UEA aŭ ie alie estus abonebla reta kalendaro kun programeroj de la kongreso. Ŝajnas, ke neniu en la CO komprenis mian demandon, do lasu min ekspliki. Kalendaro estas dosiero kun speciala kalendara formato, el kiuj la plej uzata estas iCalendar (kiu ne originas de Apple, kvankam multaj tiel kredas). Oni publikigas tiun kalendaran dosieron, ke ĝi havu retadreson (URL). Oni povas aboni la kalendaron per enigi ĉi tiun adreson en sian kalendaroaplikaĵon, kiuj estas multaj (Google Calendar, Apple Calendar ktp.). La ideo estas, ke ĉiuj ŝanĝoj, kiujn oni faras al la kalendaro, vidiĝos ĉe la abonentojn. Minimume la UK devus havi unu kalendaron kun ĉiuj programeroj, sed pli bone estus, ke estus pluraj kalendaroj laŭ temo (Akademio, Aŭtora duonhoro, IKU ktp.). La plej ideala estus, ke ĉiu partoprenanto povus elekti programerojn, kiuj interesas rin kaj krei sian propran kalendaron.
  28. 1 poento
    Kiom multe vi estas preta pagi kontraŭ ĝi?
  29. 1 poento
    Mia persona opinio: Estus bele se oni povus filmi ĉion. Sed oni tamen devas konsideri, ke ne ĉiu programeto estas malfermita al la publiko. Kiam staras ke estas fermita kunsido aŭ kunveno oni ankaŭ laŭ mi ne rajtas filmi. Mi pensas ke oni devas unue certigi la filmadon de la plej gravaj aferoj (tion oni devas difini). Mi pretas fari proponon pri tio, basita laŭ la programo de la UK Lahtio, sed mi konsideras ke ĝi devas esti prezentita, kiam la organiza grupo estos kreita. La filmado estas unu afero kaj la postlaborado de la filmoj alia afero. La postlaboro de tiuj filmoj ĉefe de tiuj kiuj eventuale bezonus se eblos de du kameraoj por havi pli bonan registradon (laŭ mi ekzemple fermo kaj malfermo, nacia, internacia vespero, ktp ) bezonas konon kaj tempon. Persone mi opinias ke ĉiuj filmoj , profesie a ne profesie devus esti aranĝitaj laŭ bezono kaj eblo antaŭ ol ili estos metitaj en la reto. Mi opinias ke la UK estas la plej grava evento en Esperantujo kaj devus esti bone montrata. La filmoj ne devas nepre esti profesie faritaj sed montreblaj, konsiderante la gravecon de la evento. Mi ne volas nur doni mian opinion, sed volas konfirmi mian deziron aktive esti parto de tiu projekto. Kaj mi ŝatus ke tiuj kiuj deziras ankaŭ partopreni en ĝi, anoncu tion.
  30. 1 poento
    SALUTON! mi estas Mireille Grosjean. Mi partoprenos la kongreson en Bujumbura kaj prezentos du partojn de tiu AMOseminario. unu rilatos al miaj spertoj kiel delegito de UEA che UN en Ghenevo. unu rilatos al kiel verki gazetaran komunikon, kiel alparoli ministron. Grupa laboro. kiu kunlaboros kun mi en tiu AMO seminario?
  31. 1 poento
    Enkonduko Tradukado estas serioza fako. Dum la lastaj sep jaroj mi estris tradukan teamon por esperantigi unu el la pli konataj kaj uzataj el la liberkodaj platformoj por retejoj. Estas ofte teda kaj sola laboro kaj malmultaj dankas pro la centoj, eĉ miloj, da horoj oni aldonas al tia laboro. Ĉar tradukoj devas simple esti, kaj ankaŭ devas esti korekta, ĉu ne? Kio estas korekta traduko ne ĉiam estas evidente. Specife ne kiam temas pri teknika tradukado. Troviĝas multaj eblecoj interpreti. Tradukado kiel por forumo kiel tiu ĉi, povas esti neebla sen eraroj, pro la strukturo de la enhavo. Ofte la tekstoj tradukendaj estas nura listo de vortoj, sen interrilatoj kaj klarigoj. Ekzemple, la angla vorto "check" estas problema, ĉar ĝi povas signifi kaj "kontroli" kaj "marki". Sen konteksto estas ege malfacile korekte diveni. (Tial mi ne havas problemojn pri la fakto ke ankoraŭ troviĝas anglalingvaĵo ĉi tie. Mi komprenas kial!) Alia faktoro de tradukado, specife en la kampo de komputilaĵoj, kiu estas relative nova, estas ke la uzo de esprimoj ne fiksiĝis. Mi povas konstati ke aferoj ŝanĝiĝis jam dum la lastaj sep jaroj, tiel ke mi simple ne konsentas kun kelkaj tradukoj en tiu ĉi platformo. Komprenu ke tio ne necese estas kritiko. Mi povas esti erara. Certe estas erara en kelkaj kazoj. Sed sen daŭra diskuto pri esprimoj, kiel pli bele traduki kelkajn oftajn terminojn ktp, la kampo neniam povas evoluiĝi. Tial mi invitas vin pridiskuti komputilajn esprimojn kaj eble ankaŭ inventi novajn, pli bonajn eblecojn.
  32. 1 poento
    Saluton, listanoj. Mi ekas mian partoprenon en tiu ĉi diskutejo per opiniesprimo pri tiu ĉi tre insteresa fadeno. Ĝin mi trovas interesa pro pluraj kialoj: 1. Mi multe favoras lingvan evoluon. @Stella tute pravas: sen lingva evoluo lingvo estas morta. Samtempe mi plene konscias, ke la evoluo de esperanto havas trajtojn unikajn, ĉar iasence ĝi estas la unusola vivanta planlingvo. Ĉar al planlingvo mankas la stabila bazo de denaskaj lingvouzantoj kiuj donas stabilecon al lingvoj etnaj, niaj evoluvojoj restas briditaj de bazaj lingvaj normoj (aka Fundamento de Esperanto) en kiu absolute ne indas kaj endas ne klopodi evoluigon aŭ perfektigon. Finfine tiu sama Fundamento donis sufiĉe flekseblajn vojojn al lingvoevoluo dum la lastaj 132 jaroj. 2. Aparte mi interesiĝas pri evoluo kaj fiksiĝo de la faka lingvo. Mi mem estas fakulo (profesoro pri kemio en usona universitato) kaj ankaŭ mi estas enplektita en perkomputila tekstoprilaboro kaj eldonado dum lastaj 30 jaroj. Antaŭnelonge mi ekgvidas la Fakan Lingvan sekcion de la Akademio de Esperanto. Do, jen kion mi ŝatus esprimi: vi ambaŭ @Stella kaj @Marc pravas: ni bezonas normigajn terminarojn por ĉiu aparta fako en kiuj fakuloj sin esprimas Esperante, kaj ĉiuj koncernatoj klopodu submeti la proprajn preferojn al la sugestoj de la normigaj dokumentoj KAJ okazu viglegaj diskutoj, ambaŭ sur la retaj forumoj kaj dum ajna renktiĝo de fakuloj kaj amatoroj, tiel ke de tempo al tempo, tiuj kiuj surprenis la taskon vivteni la normigan dokumenton eldonu novan version NORMIGA versio X.XX Mi vidas neniun kontraŭdiron aŭ malfacilaĵon pri tio ĉi. Nur mankas agnosko kaj interkonsento inter ĉiuj lingvouzantoj pri kiuj estu la normigaj instancoj kaj dokumentoj. Eĉ en malgrandaj nacilingvaj komunumoj, estas facile decidi kiu diktas la normjn: la ŝtato malantaŭ la lingvo. En nia tutmonda diaspora "armeo de kapitanoj", la afero estas iom pli malfacile. Ĝis nun UEA havis relative malviglan rolon en tiu ĉi flanko de la lingva kulturo kaj evoluo. Simile Akademio de Esperanto ne tro emis normigi (ĉu prave aŭ ne mi ne diskutas nun) sed nur sekvi la lingvan evoluon. Eble alvenas nova tempo (ĉu ankaŭ nova sento???), tiel ke ambaŭ UEA kaj la Akademio havu pli aktivan rolon por kunordigi kaj eĉ por gvidi la viglan kaj sanan evoluon de la faka lingvo en Esperanto... Kion vi opinias?
  33. 1 poento
    Selektu iom da teksto en jam-ekzista mesaĝo, kaj vi vidos menuon:
  34. 1 poento
    https://twitter.com/i/broadcasts/1vOxwqkDDbMGB Tion mi provis ...ekzemple...sed mi rezignis...poste mi sendis ligon al mia listo messenger kaj pluraj esperantistoj ne cxeestantoj dankis min !!!
  35. 1 poento
  36. 1 poento
    kompreneble tio estas afero kiu verŝajne eĉ estas nepra laŭ la kondiĉoj de la uzado de la programo, tamen mi farus ĝin almenaŭ dulingve 😛
  37. 1 poento
    Bonege, dankon, Tim, tio ja klarigas la aferon! 😉
  38. 1 poento
    Ebligi pagi kotizon por alia — Inter la multaj ebloj de donacoj, indus aldon la eblon oferti membrecon (MB, MA, M-SZ) al difinita persono. Ekzemple, homo kiu deziras fari donacon al amiko, loka klubo kiu deziras oferti premion al diligenta lernanto… En multaj kazoj tio alportos novajn membrojn kiuj verŝajne ne membriĝus per si mem.
  39. 1 poento
    Fakte, mi renkontis du-tri pliajn ĉe la maldekstra randa langeto "Administri blokojn": Ĝis nun, ŝajnas al mi, ke oni faris bonegan tradukan laboron por tiu ĉi forumo (gratulon!). Espereble, kiam finiĝos la provan fazon, la interfaco estos (preskaŭ) 100% tradukita, por tiel doni bonan impreson al la ĝenerala esperantistaro. Antaŭen!
  40. 1 poento
    La komento de Roy trafas. Eble ŝanĝu la nomon de ĉi tiu fadeno al AMO-Seminario. Mi aldonus, ke estus utile sendi ankaŭ resuman liston de ĉiuj 50+ AMO-seminarioj kiel ekira informado. De tia deirpunkto la interdiskutado estos faciligata. Amike, Dennis
  41. 1 poento
    Ankaŭ mi estas konfuzita. Kaj mi uzis interretajn servojn ekde 1986 (jes, mi ne erare skribis) kaj mem mastrumas plurajn retejojn privatajn, esperantajn kaj entreprenajn. Tiaj ĉi modernaj sistemoj simple ne estas kreitaj por subteni profundan pensadon kaj celitan kunlaboron. La fadenoj subtenas komentadon, ne diskutadon. Tial mi fakte havas dubojn ĉu tiu ĉi sistemo povos krei la kunlabor-(ad/ej)-on kiun laŭdire sopiras la estraro. En la diskutoj kiuj okzis antaŭ la enkonduko de tiu ĉi forumo, mi konsilis ke oni uzu la pli malnovstilan sed dumlonge uzatan (kaj sekve maturan) forumon SMF. La sama kiu estis uzata dum la provperiodo, kvankam nek mastrumanto nek estraro ŝajne estis sufiĉe sperta por scii ke SMF fakte jam havas la funkciojn kiujn ili postulis. Tiuj funkcioj nur ne estis instalitaj aŭ ŝaltitaj en la antaŭa forumo. Bedaŭrinde, ne eblas dungi programiston por solvi la problemon, ĉar tiu ĉi sistemo estas kreita de la entrepreno Invision Community. Aŭ UEA havas nuran demonstran version, aŭ ili mem gastigas la liberkodan version en propra servilo, aŭ ili pagas (tro) multe por la servo. Nur se programisto pretas forki la programon eblus propran evoluigon de ĝi. Se ili pagas la embarase altan kotizon por funkciigi la forumon en la reta nubo de la entrepreno, ili eble povas peti pliajn servojn. Se mi havus voĉon - kiun mi evidente ne havas - mi voĉdonus al reiro al la SMF-forumo kiu havas la servojn petatajn kaj estas "komprenebla" ankaŭ por interrete nematuraj individuoj. La defaŭlta ŝablono estas malgajige nemoderna, sed tio estus solvebla ekzakte per la propono de vi; peti programiston krei io pli afabla.
  42. 1 poento
    Ĉu UEA scias kion ili "vendas" per la forumo? Kio allogas homojn veni, registriĝi kaj uzi la forumon? Kiam temas pri aktiveco en grupoj, la 20/80-regulo estas multfoje aplikebla. En iu ajn grupo, proksimume 20 % vere aktivas dum 80% ĉefe silentas. La sama distribuo videblas en la aktiva grupo, kie proksimume 80% estas "konsumantoj" (legantoj en forumo) kaj 20% estas "produktantoj" (skribantoj en forumo). Do, 4 % el la membraro difinos la sukceson. Por krei allogan forumon, devas esti aktiveco ĉiutage. "Novaĵo" estas la plej determina faktoro por sukceso, kaj prefere iu deviga faktoro. La produktantoj kreas la novaĵojn. Kiom da produktantoj nepras por krei viglan kaj ampleksan forumon? Kiu aŭ kiuj estas la devigaj faktoroj? Mi estas sufiĉe aktiva interrete. Ĉar mi aktivas en landa organizo, supozeble mi volas veni ĉi tien por legi pri kio okazas en aliaj landaj organizoj pri temoj interesaj al mi. Fojfoje mi respondos aŭ starigos propran demandon. Eble mi respondus al averaĝe tri demandoj semajne, sed por esti alloga, la forumo devas esti vigla. Tio signifas ke almenaŭ sep el mi, ĉiutage, devus viziti por produkti enhavon. Per tia matematiko, nepras ke 50 homoj ripete aktivas. Se 50 homoj egalas 4%, la membraro ĉi tie devas kreski al 50*25=1 250 homoj. Kiel? Kial?
  43. 1 poento
    https://komputeko.net/index_eo.php
  44. 1 poento
    Mi sekvas la kurson de esperanto kun Duolingo. Mi pensas, ke estas tre bona afero por esperanto. Sed.....Kiel faras la personoj post la kurso ? Ĉu oni skribas al ili por diri kie estas grupo de esperantistoj kie ili loĝas ?
  45. 1 poento
    Salatın. Mı estas malnova esperantistino ke loğas en Turkio. Mı dezirus havi kongereson en Istanbulo, se UEA helpi tion. Mı ankau bonvenos geesperantistoj ke deziras viziti Istanbul. Mia ret adresi: esperanto12@yahoo.com
  46. 1 poento
    Jes, ne "dividi". Mi preferas "havigi".
  47. 1 poento
    Ankaŭ mi miris pri tiu "afiŝo", sed ĉar la traduko de Wordpress uzas ĝin, mi decidis ankaŭ uzi ĝin. "Publikaĵo" estas pli bona aŭ simpla "skribaĵo".
  48. 1 poento
    Ekde la 1-a de januaro 2018 mi kreis retan amaskomunikilon por reklami Esperanton. La reklamoj estis legitaj 30 359 000 fojojn. Tiu reklamo estas tute senkosta. Ajnaj esperantistoj, landaj, lokaj kaj fakaj asocioj povas facile krei similajn retajn amaskomunikilojn por reklami Esperanton en sia lando. Mi proponas ke interesantoj faru tian reklamon en sia lando. Jen la detala raporto pri tiu ĉe aperita en la reta revuo Esperanto:https://revuoesperanto.org/esperanto-reklamo
  49. 1 poento
    Nia intenco estas, ke la komunumo mem moderigu la forumon. En kelkaj fadenoj la sistemo ŝovos la plej ŝatatajn komentojn plej supren. En aliaj ni preferos vidi la komentojn laŭ ordirara tempa ordigo. Ĉiuj forumanoj ricevos poentojn pro siaj komentoj. En komunumo kun granda nombro da partoprenantoj neniu povos antaŭvidi kiel plej bone organizi ĝin. Ni havas kelkajn ideojn, sed nur dum la uzado ni scios tion, kio funkcios.
  50. 1 poento
    Estas tri ĉefaj membraj grupoj en la forumo. Ĉiu havas propran signifon kaj uzantoj havas diversajn kapablojn depende de tio, en kiu grupo ili troviĝas. Vizitantoj La defaŭlta grupo. Ĉiu uzanto nove registrinte sin troviĝas en tiu ĉi grupo. Vizitantoj rajtas aldoni komentojn al temoj, sed ne krei novajn temojn. Ili ne rajtas reagi al afiŝoj de aliaj uzantoj. Membroj Membroj estas similaj al Vizitantoj, sed estas konfirmitaj esti aktualaj membroj de UEA. Kiel Vizitantoj, Membroj rajtas komenti sed ne lanĉi novajn temojn. Ili povas reagi al aliulaj afiŝoj, almenaŭ en la fruaj tagoj de la forumo. Kiam estos sufiĉe da homoj en la grupo Membroj+, ni eble forprenos la kapablon de Membroj reagi, ĉar tio estus kapablo de la Membroj+. Por altrangiĝi de Vizitanto al Membro, necesas konfirmi esti membro de UEA. Por fari tion, aldonu vian UEA-kodon al via profilo. En la venontaj monatoj ni programos sistemon laŭ kiu la forumo interkomunikos kun la membra datenbazo de UEA kaj konfirmos mem, ĉu la entajpita kodo estas aktuala. Intertempe ni permane kontrolos. Tial la altrangigo ne estos tuja. Estus helpe kontakti nin por certigi, ke ni altrangigis vian konton. Membroj+ Membroj+ estas Membroj gajnintaj almenaŭ dek stelojn laŭ la reputacia sistemo. Uzantoj en tiu ĉi grupo rajtas krei proprajn temojn kaj reagi al afiŝoj de aliaj uzantoj. Tiu estas la ĉefa membra grupo en la forumo. Aliaj grupoj Ekzistas aliaj apartaj grupoj por uzantoj havantaj specialajn rolojn. Mastrumantoj kaj Administrantoj funkciigas la forumon kaj havas pliajn kapablojn ol aliaj membroj, ekzemple la rajton movi aŭ forviŝi temojn. Aliaj uzantoj ne nepre havas pli da kapabloj ol aliaj membroj, krom la rajton vidi aliajn kategoriojn kaj afiŝi en ili. Tiaj grupoj nomiĝas ekzemple Komitatanoj kaj Estraranoj.
×
×
  • Aldoni novan...

Gravaj informoj

Por bone funkcii, tiu ĉi retejo uzas kuketojn. Legu la Privatecan politikon de UEA por ekscii kiel ni uzas viajn informojn kaj la Uzkondiĉojn por membriĝi al tiu retejo.