La sekureco de via konto kaj de viaj informoj estas tre grava al ni. Sube troviĝas detaloj pri tio, kion ni faras por sekurigi la informojn.
Ni uzas programaron, kies liverantoj regule ĝisdatigas kaj kiu informas nin, kiam estas disponebla nova versio. Ni ĉiam uzas la plej freŝan version de la programaro.
Nia retejo devige uzas la protokolon HTTPS kaj havas atestilon pri sekurigo tiel, ke kiam vi uzas ĝin vi vidos la simbolon de ŝlosilo en la adresbreto de via retumilo.
Eblas krei konton ĉe la forumo sen pludoni viajn detalojn al ni, ĉar ni proponas registradon kaj ensalutadon pere de viaj eventualaj kontoj ĉe Facebook, Twitter kaj Google. Tiel viajn detalojn vi ne rekte donos al ni.
Registrante ĉe la forumo vi havos la okazon laŭ via prefero respondi al demandoj kies respondojn nur vi konos. Vi elektos tri demandojn el pluraj kaj donos viajn respondojn. En postaj okazoj, kiam vi ensalutos, la sistemo petos al vi, ke vi respondu al unu el tiuj elektitaj demandoj. Tiel eĉ se iu misfaranto ekscias pri viaj retpoŝtadreso kaj pasvorto, tiu ne povos aliri al via konto.
