Salti al enhavo

Mark Fettes

Komitatanoj
  • Enhaveroj

    11
  • Aliĝis

  • Laste vizitis

  • Tagoj kiam gajnis

    2

Mark Fettes laste gajnis la 13an de aŭgusto

Mark Fettes havis plej multe da ŝatata enhavo!

Komunuma reputacio

5 Neŭtrala

Pri Mark Fettes

Lastatempaj vizitantoj al profilo

La bloko pri lastatempaj vizitantoj estas malŝaltita kaj ne estas videbla al aliaj uzantoj.

  1. Pli ĝenerale, ni devas pensi pri kreskigo de rimedoj - ĉefe homaj kaj financaj. Evidente la du estas kunligitaj, simple pri la fakto, ke homoj ofte havas limigitan eblecon investi sian tempon kaj energion en senpaga laboro. Sed ili ne estas samaj, kaj mi kredas ke UEA povus multe pli bone mastrumi siajn volontulajn fortojn (kaj investi pli en kapabligo/trejnado). Kvankam neniu povas nei la gravecon de novaj lernantoj de Esperanto, ŝajnas al mi ke tio neniam en la pli ol 110-jara historio de UEA tio apartenis al ĝiaj respondecoj. Ĝi jes laŭ mi povus pli proksime kunlabori kun ILEI pri instruista trejnado ktp, sed ĝia celpubliko devas resti homoj, kiuj jam lernis la bazon de la lingvo. (La nova retejo uea-facila estas tamen genia ponto al tiuj novlernantoj.)
  2. Jen unu el miaj provoj de antaŭ kelkaj jaroj, verki celdeklaron kiu estus komprenebla por homoj kiuj nenion scias pri Esperanto (do, kiu estus tradukebla en aliajn lingvojn sen bezono de pliaj klarigoj). La problemo ĉiam estas, ke tiaj priskriboj ne vere kaptas la fortan emocian ligon, kiun esperantistoj havas al sia lingvo, sen kiu UEA entute ne sukcesus vivteni sin. NIA VIZIO Ni laboras por lingva justeco tutmonde. Nia celo estas mondo de multaj florantaj lingvoj kaj kulturoj, kie ĉies lingvoj rajtoj estas respektataj, kaj ĉiuj homoj povas komuniki kaj kunlabori libere, efike, kaj pace. LA MISIO Por realigi tiun vizion, ni laboras por: - konsciigi la mondan publikon pri demandoj de lingva justeco, kaj ilia rilato al aliaj gravaj sociaj kaj ekologiaj demandoj; - kontribui al la ellaboro de sistemoj kaj al la disvastigo de rimedoj kaj metodoj por lingve justa komunikado; - kreskigi interkulturan konscion, komprenon, kaj kunlaboron tutmonde. En tiuj agadoj, ĉiuj lingvoj estas gravaj kaj valoraj. Por faciligi egalecan kaj inkluzivan komunikadon inter malsamlingvanoj, ni subtenas la disvastigon kaj utiligon de la internacia lingvo Esperanto. Estante kreita por tiu difinita celo, kaj same atingebla kaj lernenda por ĉiuj, ĝi estas laŭ nia sperto plej justa kaj efika lingva rimedo por kunlaboro kaj interkompreniĝo inter homoj de malsamaj kulturoj.
  3. Mi plene konsentas. Ne bone funkcias provi fari strategion kaj laborplanon en la sama dokumento, precipe se oni celas, ke la strategio estu konciza kaj inspira. Indas pensi ankaŭ pri celdeklaro kiel parto de la strategio. Celdeklaro devas resumi la kernajn valorojn kaj vizion de organizo; ĝi estas do eĉ pli longperspektiva ol la strategio mem, kiu devas respondi al la konkretaj sociaj kaj historiaj kondiĉoj de difinita periodo.
  4. Mi konsentas ke la plano de TEJO estas bele konciza kaj klara. Kelkrilate ĝi similas al la listo de strategiaj prioritatoj en la lasta Strategia Plano de UEA, kiu resumis la konkludojn de la granda dokumento. Mi redonas ilin ĉi tie, sen la plidetaligaj punktoj kiuj difinas kiel oni laboru por tiuj celoj. Ĝenerala problemo en la strategio de UEA estas la komplikeco de la organizo. Oni volas have strategion kiu samtempe gvidas la prioritatojn de la Estraro kaj Oficejo kaj kiu estas inspira kaj helpa por la ordinara membraro, sed ankaŭ havas ion por diri al landaj kaj fakaj asocioj, al la regionaj komisionoj, la agado ĉe UN kaj Unesko, ktp. Mi dirus, ke por tio 12 prioriatatoj estas ankoraŭ tro multe. Prefere oni havu nur 4-6 grandajn prioritatojn, kiujn oni povas konkretigi diversmaniere, depende de la agadkampo kaj situacio. 1. KONSCIIGO Strategia prioritato 1.1. Modernigi kaj kompletigi la publikan bildon pri Esperanto. Atingi, ke Esperanto estu vaste komprenata kiel moderna, vivanta lingvo kun unika historio kaj dinamika kulturo. Strategia prioritato 1.2. Varbi kaj prizorgi subtenantojn kaj kunagantojn. Atingi, ke la socia valoro de Esperanto kaj UEA estu vaste rekonata, tiel ke multaj homoj kiuj ne mem uzas Esperanton tamen morale kaj finance subtenas ĝin aŭ kunlaboras kun Esperanto-organizoj por komunaj celoj. Strategia prioritato 1.3. Varbi, interligi kaj trejni aktivulojn. Disvolvi mondvastan reton de multaj registritaj kaj lertaj aktivuloj pri informado, eksteraj rilatoj, kaj esploro kaj dokumentado. 2. KAPABLIGO Strategia prioritato 2.1. Kursoj kaj ekzamenoj. Plimultigi la homojn, kiuj sukcese trapasis registritan kurson kaj internacian ekzamenon pri Esperanto, i.a. por pli fidinde pritaksi, kiom la lingvo disvastiĝas ĉiujare. Strategia prioritato 2.2. Trejnado de gvidaj aktivuloj. Starigi programojn por la trejnado de movadaj organizantoj (de projektoj, renkontiĝoj kaj kongresoj, asocia administrado kaj financo, monvarbado, k.s.), instruistoj, tekstumantoj (prizorgantoj de retpaĝoj, revuoj k.s.), tradukantoj, terminologoj, kaj informaktivuloj. Strategia prioritato 2.3. Esperanto kiel eduka movado. Kunlabori kun organizoj je ĉiuj niveloj de la movado por doni al instruado, trejnado, kaj tutmondeca edukado pli altan prioritaton en la planado, komunikado kaj agado. 3. KOMUNUMO Strategia prioritato 3.1. Plivastigi kaj disvolvi la uzadon de la servoj de UEA. Temas ne nur pri pligrandigo de la nombroj de uzantoj, sed ankaŭ pri pliprofundigo de la uzanto-sperto. Strategia prioritato 3.2. Fari pli facila, alloga kaj kontentiga la partoprenon en konkretaj kulturaj kaj fakaj agadoj. Per tia partopreno oni firmigas senton de aparteno al la movado (kaj al UEA), kaj krome pludisvolvas la proprajn lingvajn kapablojn kaj kulturan kleron. Strategia prioritato 3.3. Disvolvi la solidaran helpagadon. Multaj homoj donacas al la fondaĵoj de UEA, iuj kluboj kaj asocioj entreprenas la proprajn solidarajn agadojn, kaj diversaj individuoj helpas aliajn individuojn, klubojn, projektojn ktp. La kampon eblas multe plifortigi per bona komunikado pri bezonoj, subten-ebloj, rezultoj kaj simile. 4. KUNORDIGO Strategia prioritato 4.1. Evoluigi pli aktivan kaj koheran organizan kernon. La ĝisnuna sistemo Estraro-Komitato-Centra Oficejo malbone funkcias diversrilate. Necesas krei pli grandan kernan teamon kiu laboras sub komuna strategio, komunikas intense kaj efike inter si, kaj interkonsile prizorgas la ĉefajn agadkampojn. Strategia prioritato 4.2. Restrukturi kaj plivigligi la rilatojn kun la diversaj aliĝintaj kaj kunlaborantaj landaj asocioj. En la nuna sistemo, aliĝo kaj kunlaboro havas precipe formalan signifon kaj ne estas rekte ligitaj al specifaj formoj de kunagado. Necesas reformi la sistemon por pli bone kombini la fortojn de la diversaj asocioj kaj disvolvi kulturon de kunlaboro kaj kunplanado. Strategia prioritato 4.3. Plisanigi kaj plivastigi la financojn per kreskigo de rimedoj kaj pliefikigo de servoj. La kapitalo de UEA multe kreskis en la lastaj tridek jaroj, sed kreskis ankaŭ la kostoj kaj malkreskis la enspezoj (precipe pro ŝrumpo de la membraro). El tio sekvas konstanta premo al la buĝeto kaj manko de rimedoj por novaj iniciatoj. Necesas do provi plibonigi ambaŭ flankojn de la spezokonto – malaltigi la kostojn kaj altigi la rimedojn.
×
×
  • Aldoni novan...

Gravaj informoj

Por bone funkcii, tiu ĉi retejo uzas kuketojn. Legu la Privatecan politikon de UEA por ekscii kiel ni uzas viajn informojn kaj la Uzkondiĉojn por membriĝi al tiu retejo.