Piet COPPENS

Saluton Gregorio, Mi havas ankoraŭ rimarkon pri "Esperanto-komputilo": eble interesas por vi alia ebleco: nome per operaciumo (Linukso) Minto. Tiu operaciumo funkcias sur preskaŭ ĉiu kutima tabla komputilo kaj estas nun, je 2020-10-20, 100% tradukita al Esperanto. Minto estas facila, nekomerca, senpaga kaj same potenca kiel Vindozo. Adreso de kelkaj detaloj: https://uea.org/vikio/minto Kial ne meti Minton sur vian tablan komputilon apud (aŭ anstataŭ) Vindozo?

Saluton, Stella Dankon pro via reago. Laŭ mia scio ne estas veraj respondeculoj pri la (enhavo de la) vikio de UEA. Estas "nur" kelkaj uzantoj. La vikio povas enteni informojn pri tre multaj temoj, same kiel Wikipedia. La bildo sur la ĉefpaĝo koncernas turisman destinon Samarkando, ĉar en la vikio troviĝas iom da informoj pri turismo. Alia temo en la vikio estas: Komputado. Pri komputado mi metis tie kelkajn informojn pri operaciumo Linukso Minto (angle: Linux Mint). Tiu operaciumo estis (grand)parte tradukita en Esperanton. De la ĉirkaŭ 10.000 tradukendaj "frazetoj" nun ĉirkaŭ 8.000 estas tradukitaj. Kompreneble restas ankoraŭ multaj eraroj kaj malpli bonaj tradukoj en la materialo!

Volonte komenton pri la tradukado de Linukso Minto en Esperanton. La tradukado okazas kadre de miniprojekto Esperanto kun Minto, kiu estas provizore priskribita en la vikio de UEA sur adreso: https://uea.org/vikio/Minto